МБУ "Усть-Алданское управление культуры" Тохсунньу ый – Таҥха ыйынан биллэр. Ол чэрчитинэн тохсунньу 17 күнүгэр “Олоҥхо Дьиэтэ” этнокультурнай кииҥҥэ «Таайтарыылаах Таҥха абылаҥа» диэн тэрээһин ыытылынна.
Бу киэhэ кэлбит ыалдьыттарга анаан сахаларга былыр-былыргыттан тарҕаммыт Таҥха ɵйдɵбүлүн, кэмин суолтатын, оонньууларын араастарын тустарынан, сиэри-туому сөпкө тутуһуу туһунан сэһэргэстибит. Айылҕаттан айдарыылаах, таҥхалыыр идэлээх дьоммут биирдиилээн дьону көрсөн үүйэр-хаайар боппуруостарыгар сүбэ-ама ыллылар. “Айылҕа кистэлэҥэ, таабырына” – түбэлтэлэри, үһүйээннэри кэпсэттибит, “Иччилээх кулууп”, “Сэттээх” киинэлэри көрдүбүт.
Таҥха киэһэтэ өрүү буоларын курдук элбэх дьону интэриэһиргэттэ, умсугутта, кырдьык да таайтарыылаах таҥха абылаҥар киирэн дуоhуйан тарҕастыбыт.
ЭКЦ «Олонхо Дьиэтэ»
