Саха Өрөспүүбүлүкэтигэр биллэр олоҥхоһут, ССРС суруйааччыларын чилиэнэ Дмитрий Михайлович Говоров — Олоҥхоһут Миитэрэй төрөөбүтэ 175 сылын чэрчитинэн өрөспүүбүлүкэтээҕи “Куйуур олоҥхото” бэстэбээл икки күн устата ыытылынна

Саха Өрөспүүбүлүкэтигэр биллэр олоҥхоһут, ССРС суруйааччыларын чилиэнэ Дмитрий Михайлович Говоров — Олоҥхоһут Миитэрэй төрөөбүтэ 175 сылын чэрчитинэн өрөспүүбүлүкэтээҕи “Куйуур олоҥхото” бэстэбээл икки күн устата ыытылынна.

Манна Мэҥэ-Хаҥалас, Нам, Үөһээ-Бүлүү, Таатта, Уус-Алдан, Амма, Бүлүү улуустарын 7 бастыҥ олоҥхону толорор ыччаттара күөн көрүстүлэр. Бэстэбээл кыттыылаахтарын Саха Өрөспүүбүлүкэтин Ил Түмэн Судаарыстыбаннай мунньаҕын бэрэссэдээтэлин бастакы солбуйааччыта, СӨ Ил Дарханын иһинэн Олоҥхо национальнай кэмитиэтин бэрэссэдээтэлэ, “Аан дойду эпостара” норуоттар икки ардыларынааҕы ассоциация вице-президенэ, биир дойдулаахпыт Александр Николаевич Жирков, филологическай наука доктора, олоҥхону чинчийэччи, профессор, СӨ наукатын үтүөлээх деятелэ Василий Васильевич Илларионов эҕэрдэлээтилэр.
Бэстэбээл түмүгүнэн:
— “Тэтими тутар олоҥхоһут” анал аат — Марфа Аммосова – Мэҥэ-Хаҥалас,
— “Кылыһах ырыалаах олоҥхоһут”анал аат — Ньургустаана Лебедева – Нам,
— “Уһун тыыннаах олоҥхоһут” Анна Кириллина – Амма.
“Бастыҥ Ноо-һут” анал аат – Сибэкки Заровняева — Мэҥэ-Хаҥалас
“Бастыҥ Ноо-һут” анал аат – Вера Цыпандина — Нам
“Бастыҥ Ноо-һут” анал аат – Сахаайа Колодезникова – Нам

— 3 миэстэ – Никита Аянитов – Үөһээ-Бүлүү
— 2 миэстэ – Сайыына Шамаева – Бүлүү
— 1 миэстэ – Диана Петухова – Уус Алдан
— Кылаан чыпчаал — Арчыман Номоҕон – Таатта
Тэрээһиҥҥэ кыттыбыт, тэрийсибит бары дьоммутугар, ытык-мааны ыалдьыттарбытыгар, Өлтөх сирин олохтоохторугар барҕа махталбытын тиэрдэбит.