Санкт-Петербург куоракка «Я могу» Аан дойдутааҕы куонкуруска улууспут оҕолоро кыттыыны ыллылар

Кулун тутар 28 күнүттэн муус устар 5 күнүгэр диэри оскуола оҕолорун умнуллубат сааскы сынньалаҥнарын кэмигэр Арассыыйа үтүөлээх, образцовай «Кэнчээри» оҕо ырыа-үҥкүү народнай ансаамбылын үҥкүүгэ салаатын кыра бөлөҕүн иитиллээччитэ – Мүрү 2-с №-дээх орто оскуолатын 1-кы «а» кылааһын үөрэнээччитэ Сайынаара Куо Аммосова (сал. Ульяна Ноговицына),
Бороҕоннооҕу оҕо искусство оскуолатын үҥкүүгэ
хайысхатын 31 үөрэнээччитэ (сал. Галина Петрова, Ульяна Петрова, Ульяна Ноговицына),
Бороҕоннооҕу оҕо искусствотын оскуолатын 5-с кылааһын (ФГТ), Мүрү 2-с №-дээх орто оскуолатын
4 «а» кылааһын үөрэнээччитэ
Павел Павлов (сал.
Ульяна Ноговицына),
муусука салаатын икки үөрэнээччитэ (сал. Лена Яковлева),
Суоттутааҕы филиал художественнай салаатын үс үөрэнээччитэ (сал. Евдокия Портнягина) буолан, уопсайа 47 киһилээх бөлөх оскуола директора Гаврил Петухов салалтатынан, түөрт төрөппүт көмөлөһөөччүлээх Санкт-Петербург куоракка «Я могу» Аан дойдутааҕы куонкуруска ситиһиилээхтик кыттан кэллилэр.