Олонхо декадатын чэрчитинэн Ылдьаа Нохуоккун аатынан Чараҥ култууратын киинигэр «УРААННЬЫК АТТААХ ТАЙЫЫЛА ОЛОҤХОҺУТ» олонхо-спектакль сүрэхтэннэ

Арассыыйа норуоттарын култуурунай нэһилиэстибэтин сылын, Олонхо декадатын чэрчитинэн Ылдьаа Нохуоккун аатынан Чараҥ култууратын киинигэр ахсынньы 3 күнүгэр Галина Борисова-Толбооно «Уһун Уйбаан олоҥхоһут» олоҥхотунан Екатерина Свинобоева инсценировкатыгар уонна туруоруутугар, Даниил Атласов тойукка уһуйуутугар «УРААННЬЫК АТТААХ ТАЙЫЫЛА ОЛОҤХОҺУТ» олоҥхо-испэктээк «Манчаары» тыйаатыраалынай устуудьуйа кыттыылаахтара биир тыынынан көрдөрдүлэр.

Сүрүн оруолу — Тайыыла олоҥхоһуту оонньообут Даниил Атласов испэктээк саҕаланыаҕыттан бүтүөр диэри ырыатынан-тойугунан олоҥхону киэргэттэ. Быстах оруолларга: Дьиэлээх Тойон-Александр Васильев, Дьиэлээх Хотун-Екатерина Захарова, кыыстара Күннэй — Леонида Иванова, Дьүөгэ кыыс — Олеся Крылова, Күндүл — Коля Бурцев, Кыыча — Алексанна Петрова, чаҕар оҕолор — Харысхан Корнилов, Мичийэ Румянцева, Айаана Трофимова, түөкүттэр — Иван Окоемов, Василий Черкашин, абааһы — Игнатий Слепцов, Уйгууна — Надежда Трофимова, оҕолоро — Эрчим Корнилов, Илья Румянцев, Слава, Любомир, Мирослава Гуляевтар, Альяна Петрова, Айаана, Айаан Трофимовтар, Нарыйаана Басыгысова тойук туойан, ырыа ыллаан, этэн-тыынан итэҕэтилээхтик оонньоотулар. Тойукка уһуйда Даниил Атласов. Испэктээги «Алтан Кыл» айар тыыннаах доҕуһуолунан ситэрэн биэрдэ.

Улууспутугар Олонхо уонна Хомус декадата элбэх интириэһинэй тэрээһиннэрдээх түмүктэннэ.

Наһаа үчүгэй олонхо-спектакль сүрэхтэммитинэн улуус культураҕа управлениетын аатыттан эҕэрдэ??????

Элбэх киһи, тэрилтэлэр, кыра оҕолор, ветераннар кыттыылаах буолбута олус үчүгэй????

Салгыы да түмсүүлээх, айымньылаах үлэни ✨✨✨

error: МБУ \"Усть-Алданское управление культуры\"