МБУ "Усть-Алданское управление культуры" Муус устар 4 күнүгэр «Предтечэ» кинигэ сүрэхтэниитин чэрчитинэн Хаҥалас, Нам улуустарыттан кэлбит делегациялар «Үйэлэри өтө көрөн» быыстапканы көрдүлэр, бочуоттаах ыалдьыттары кытары Саха сирин автономията төрүттэммитэ 100 сылыгар аналлаах төгүрүк остуол тула кэпсэттилэр.
Сэһэн Ардьакыап аатынан историяны уонна кыраайы үөрэтэр улуус түмэлэ тэриллибитэ 50 сылын чэрчитинэн, кэллэктиип СӨ Баһылыгын гранын ылан, «След, оставленный в будущее» бырайыагынан буосканан оҥоһуллубут фигураларын үөрүүлээх аһыллыытыгар кыттыыны ыллылар.
«Национальная интеллигенция и становление государственности народов Якутии» серия кинигэлэрин бырайыагын автора, салайааччыта Александр Николаевич Жирков ll томун саҥа «Предтеча» кинигэтин сүрэхтэниитэ ыытылынна.
Кинигэ сүрэхтэниитин салайан ыытта улууспут баһылыга А.В.Федотов. Бу үөрүүлээх күҥҥэ Александр Николаевичка эҕэрдэ, махтал тыллара ананнылар.
