МБУ "Усть-Алданское управление культуры" Сэтинньи 23 күнүгэр культура управлениятын тэрийиитинэн улуус нэһилиэктэриттэн культура ветераннара кыттыылаах Сүбэ мунньах ыытылынна.
Ветераннары кытта көрсүһүүгэ управление начальнига И.И.Аммосов билиҥҥи кэмҥэ культура салаатыгар ыытылла турар үлэлэр тустарынан иһитиннэрии оҥордо. Улуус баһылыга А.В.Федотов бэйэтин этиитигэр культура ветераннара улууска ыытыллар тэрээһиннэргэ куруук кыттыыны ылалларын, быйыл сайын ыытыллыбыт Саха сирин норуоттарын VIII–с Спортивнай оонньууларыгар күүс-көмө буолбуттарын бэлиэтээтэ уонна махталын биллэрдэ.
Культура ветераннарын түмсүүтүн салайааччыта, өр сылларга оройуоннааҕы культура дьиэтигэр уус уран салайааччынан, директорынан үлэлээбит М.А.Копырина түмсүү үлэтин билиһиннэрдэ.
Салгыы бэйэлэрин санааларын Кэптэниттэн У.И.Бурнашева, П.С.Нафанаилов, Бороҕонтон М.З.Сивцева эттилэр.
Түмүккэ өр сылларга культура эйгэтигэр үлэлээбит дьон туһунан ахтыы суруйуулары хомуйуу, биирдиилээн дьоҥҥо анал кинигэлэри таһааттарарга матырыйаллары хомуйуу үлэтин ыытыы, өрүү да көлүөнэлэр алтыһар тэрээһиннэрин ыытыы, билигин хаһааҥҥытааҕар даҕаны бииргэ буолар туһугар, бары түмсүүлээх буоларбытыгар үлэ барыахтааҕын бэлиэтээтилэр.
Салгыы культура ветераннара дойду үрдүнэн ыытылла турар “Бары бииргэ” хамсааһыны өйөөн Бэрт-Ууһун нэһилиэгиттэн быстах хомуурга барбыт уолаттар дьиэ кэргэттэригэр көмөлөһөр сыаллаах акция концерт көрдөрөн, концертан киирбит 10900 солкуобай харчыны нэһилиэк дьаһалтатыгар туттардылар.
Бу хомуурга бэйэтин ба5атынан барбыт 5 оҕолоох Станислав Горохов дьиэ кэргэнигэр улуус ветераннара бэйэлэрин баҕа санааларынан бородууктанан, аһынан-үөлүнэн көмөлөрүн дьиэтигэр илдьэн туттардылар.
