Кулун тутар 5 күнэ Өрөспүүбүлүкэбитигэр Норуот маастарын күнэ

Кулун тутар 5 күнэ Өрөспүүбүлүкэбитигэр Норуот маастарын күнэ. Бу үөрүүлээх күн, «Симэх» норуот искусствотын национальнай киинэ тэриллибитэ 30 сыллаах үбүлүөйдээх күннэрин чэрчитинэн Дьокуускай куоракка 12 араас тэрээһин буолла, республика араас улуустарыттан талааннаах дьонун түмтэ. Кулун тутар 4 күнүттэн 6 күнүгэр дылы Өксөкүлээх Өлөксөй аатынан норуоттар доҕордоһууларын дьиэтигэр «Якутия мастеровая» быыстапка-дьаарбаҥка 3 этээһинэн турда. Кулун тутар 4 күнүгэр Саха Өрөспүүбүлүкэтин Ил Дархана Айсен Сергеевич Николаев өрөспүүбүлүкэ норуотун маастардарын кытта көрүстэ. Биһиги улуустан Мария Егоровна Петрова, Ольга Петровна Колодезникова көрсүһүүгэ кыттыыны ыллылар. Мария Петрова, Николай Потапов өрөспүүбүлүкэ норуотун маастардарын аатыттан тыл эттилэр. Төгүрүк остуол тула истиҥ кэпсэтии түмүгүнэн норуот маастардарыгар сылын аайы 7 норуот маастардарыгар стипендия аныыр туһунан эттэ. Сахалыы сонноох сэлэлии хаамыыга биһиги улуустан 45 уран тарбахтаах дьоммут тикпит соннорунан кыттыыны ыллылар. «Уруйдан, Уус күнэ!» үөрүүлээх чааһа буолла. «Симэх» норуот искусствотын киинэ 30 сыллаах үбүлүөйүнэн Уус Алдан культура управлениятын эҕэрдэ суругун уонна «Мындыр» түмсүү бэлэҕин туттардыбыт, ону тэҥэ СӨ норуотун маастара Атласова Мария Семеновна, СӨ уус уран оҥоһуктарын маастара Окоемов Иван Иннокентьевич 50 устуука кыбытык ньыматынан тигиллибит олбохторун бэлэх ууннулар. Сахалыы сонноох сэлэлии хаамыыга биһиги улуустан 45 уран тарбахтаах дьоммут тикпит соннорунан кыттыыны ыллылар. Киэһээтин «Уруйдан Уус күнэ» үөрүүлээх чааһыгар Васильева Варвара Тихоновнаҕа Ил Түмэн государственнай мунньаҕын бочуотунай грамотатын, «Уран Аар Хотун» бэлиэни туттардылар, Саха Өрөспүүбүлүкэтин норуотун маастара үрдүк ааты ыллылар Ольга Петровна Колодезникова, Петр Дмитриевич Куличкин-Быйаман Уус. Саха Өрөспүүбүлүкэтин уус-уран оҥоһуктарын маастара ааты ылла Нафанаилов Петр Сергеевич. «Симэх» норуот искусствотын бочуотунай грамотатынан наҕараадаланнылар Васильева В. Т., Атласова М. С., Васильева Е. Н., Егорова А. И., Петров С. С., Гоголева Х. И., Окоемов И. И., Бурцев М. Н.. «Якутия мастеровая» быыстапка түмүгүнэн кыайыылаах буоллулар: «Кылтан, сиэлтэн өрүү» көрүҥэр 1 миэстэ Соловьева Пелагея Васильевна, «Тирииттэн, түүлээхтэн тигии» көрүҥҥэ 1миэстэ Колодезникова Ольга Петровна, 3 миэстэ Готовцева Людмила Никитична, «Аксессуар быысапката» көрүҥҥэ 1 миэстэ Гоголева Харитина Ивановна, «Мастан кыһан оҥорууга» 3 миэстэ Тордуянов Гаврил Иванович. «Якутия мастеровая» тэрээһиҥҥэ дьүүллүүр сүбэҕэ үлэлээтилэр Елизавета Егоровна Семенова, Мария Егоровна Петрова. Улахан тэрээһиҥҥэ киирэн кыттыбыт бары маастардарбытын, тэрээһиҥҥэ киирэн кытталларыгар транспорынан өйөөбүт улууспут дьаһалтатыгар, культура управлениятыгар, Бээрийэ, Байаҕантай, Дүпсүн, нэһилиэктэрин дьаһалтатыгар барҕа махталбытын этэбит. Куруутун бу курдук норуоппут талааннаах дьонноро үүнэ-сайда турун, төрүт дьарыкпыт, уус уран оҥоһук сайдыытыгар күүс көмө буолун.