МБУ "Усть-Алданское управление культуры" Кулун тутар 19 күнүгэр В.В. Никифоров-Күлүмнүүр аатынан «Тойон Мүрү» культура дыбарыаһыгар Саха Республикатыгар Ийэ сылынан «Ийэҕэ махтал» диэн 9 оҕо күн күбэй Ийэтэ, культура ветерана Мария Гаврильевна Алексеева төрөөбүтэ 100 сылыгар аналлаах оҕолорун айар быыстапкаларын үөрүүлээх аһыыллыыта буолла.
Быыстапкаҕа ийэлэриттэн бэриллибит талааннарынан айан таһаарбыт үлэлэрин, суруйбут кинигэлэрин, хоббиларын дьон көрүүтүгэр туруордулар. Ийэлээх аҕаларын олохторун кэпсиир хаартыскаларын баннерга түһэрэн таһаарбыттарын кэлбит ыалдьыттар сэҥээрэ көрдүлэр.
Оҕолоро — Светлана Степановна Лукачевская, Дария Степановна Алексеева, Степан Степанович Алексеев, Прасковья Степановна Крылова, Мария Степановна Алексеева, Людмила Степановна Саввина, Варвара Степановна Федорова, Яков Степанович Алексеев, Валентина Степановна Алексеева олохторугар ситиһиилэрин, айар талааннарын сиэннэрэ кыыс, Хатастааҕы норуот айымньытын дьиэтин уус уран салайааччыта Вилена Михайловна Константинова кэпсээн, ахтыы киэһэни иилээн-саҕалаан ыытта. Алексеевтар дьиэ кэргэн олохторун ахтан аастылар аймахтара, Бороҕоҥҥо олорбут аттынааҕы ыаллара, бииргэ үөрэммит доҕотторо. Ийэ сылыгар аналлаах «Ийэҕэ махтал» дьоро күн сүрдээх истиҥник ааста. Урут оҕо сылдьан аһаабыт улахан төгүрүк остуолларыгар тобус толору аһы тардан кэлбит ыалдьыттарын күндүлээтилэр.
