День народного мастера в РС(Я)

Кулун тутар 5 күнүгэр Россияҕа норуот айымньытын уонна Россия норуоттарын нэһилиэстибэтин, Саха Автономията төрүттэммитэ 100 сылларыгар аналлаах дьоллоох Дьокуускай куоракка норуоппут уус-уран оҥоһуктарын үйэтитэр, сөргүтэр уонна сайыннарар сыалтан Саха сирин норуоттарын төрүт үгэскэ олоҕурбут кыһыҥҥы көстүүмнээх сэлэлии хаамыыта буолла. Бу тэрээһиҥҥэ биһиги улууспутуттан барыта 100 тахса киһи кыттыыны ылла. Ол курдук Мүрү, Суотту, I Хоро, Хоро, Лөгөй, Бороҕон, Байаҕантай, Түүлээх, Баатаҕай, Өлтөх, Өнөр, Дүпсүн, Бээрийэ, Найахы нэһилиэктэрэ, Дьокуускай куораттан биир дойдулаахтарбыт көхтөөх кыттыыны ыллылар. Колоннабытын улууспут аҕа баһылыга Алексей Васильевич Федотов салайда. Улууспутугар патриотизм сылынан элбэх киһи улууһун чиэһин көмүскээн, сэлэлээн хаамыыга кытынна. Кыттыыны ылбыт дьоммутугар, нэһилиэкпит баһылыктарыгар, куоракка олорор биир дойдулаахтарбытыгар уонна улууспут баһылыгар барҕа махтал тиэрдэбит.