Уйбаан Бахсылыырап хоһооннорун ааҕыыга «Төлкөлөөх түөрэхпитинэн» аһаҕас күөн-күрэс

Олунньу ый 13 күнэ — Төрөөбүт тыл уонна сурук-бичик күнэ.

Норуот олорбут олоҕо, тыына-дьылҕата тылыгар иҥэн сылдьар. Оҕо төрүөҕүттэн ийэ тылын эйгэтигэр иитилиннэҕинэ, омук кутун-сүрүн, өр үйэлэргэ муспут муудараһын этигэр-хааныгар иҥэринэр, төрөөбут тылын, бэйэтин омугун харыстыыр киһи буолар.

Төрөөбүт тыл сүмэтин үүнэр көлүөнэҕэ тиэрдэр, сахалыы ыраастык саҥарары ситиһэр, Уйбаан Бахсылыырап  хоһооннорун киэҥ эйгэҕэ таһаарар, билиһиннэрэр сыаллаах – соруктаах ыытыллыбыт, Россия суруналыыстарын Сойууһун чилиэнэ, суруналыыстар өрөспүүбүлүкэтээҕи бириэмийэлэрин “Кыһыл көмүс бөрүө” уонна “Илин эҥэр” экономическай зона олохтообут В.В. Никифоров-Күлүмнүүр аатынан бириэмийэ лауреата, хомоҕой тыллаах хоһоонньут Уйбаан Бахсылыырап хоһооннорун ааҕыыга “ТӨЛКӨЛӨӨХ ТҮӨРЭХПИТИНЭН” аһаҕас күөн-күрэскэ оҕолорго 16,  улахан дьоҥҥо 42 киһи кыттыыны ыллылар.

Күөн-күрэс тэрийээччилэринэн буоллулар Уус-Алдан улууһун культураҕа управлениета, С.С. Васильев-Борогонскай аатынан киин библиотека, П.Н. Гоголев аатынан Хомустаах сынньалаҥ киинэ, олохтоох бибилиотека, “Кэскил түһэ” уопсастыбаннай түмсүү.

Төрөөбүт төрүт тыл күнүгэр анаммыт күөн-күрэс икки бөлөҕүнэн ыытылынна.

Бастакы бөлөххө 14-18 саастаах оскуола оҕолоро, иккис бөлөххө 19 үөһэ саастаах улахан дьон.

Кыттааччылар Уйбаан Бахсылыырап ийэ тылга анаммыт хоһоонноруттан биири талан ааҕан, устан ыыттылар.

Оҕолорго кыайыылаахтарынан буоллулар:

1 миэстэ — Охлопкова Люба (Бэйдиҥэ орто оскуолата, Өлтөх нэһилиэгэ)

2 миэстэ — Бурнашева Юлия (Хомустаах сүрүн оскуолата, Лөгөй нэһилиэгэ)

3 миэстэ — Кривошапкин Кирилл Мүрү 2-с нүөмэрдээх орто оскуолата, Мүрү нэһилиэгэ)

Маны таһынан биһирэбил бириистэринэн бэлиэтэннилэр:

Аргунов Ньургун (Тиит-Арыы), «Кинигэни таптааччылар» куруһуок иитиллээччилэрэ (Тумул), Муся, Аня Колодезниковалар (Сыырдаах).

Улахан дьоҥҥо кыайыылаахтарынан буоллулар:

1 миэстэ — Василий Парников (Бороҕон, Мүрү нэһилиэгэ)

1 миэстэ — Анна Бечеканова (Хомустаах, Лөгөй нэһилиэгэ)

2 миэстэ — Афанасий Бурцев (Майаҕас, Хоро нэһилиэгэ)

3 миэстэ — Розалия Васильева (Тумул, Бороҕон нэһилиэгэ)

Маны таһынан биһирэбил бириистэринэн бэлиэтэннилэр:

Анастасия Степанова (Суотту), Саргылана Бурцева, Любовь Тарская (Сыырдаах).

Күөн күрэс Кылаан бирииһин хаһаайынынан буолла Хомустаахтан Василий Бурнашев уонна Уйбаан Бахсылыырап тапталлаах кэргэнэ Зинаида Николаевна олохтообут анал бирииһинэн наҕараадаланна.

Хайа да омук төрөөбүт тылын билэр, таптыыр, сыаналыыр кэнчээри ыччаттаах буоллаҕына, тыыннаах буолар, салгыы сайдар, барҕарар кыахтанар.

Күөн күрэс кыттааччыларыгар тэрийээччилэр ааттарыттан махталбытын тиэрдэбит.

Сахалыы сайаҕастык саҥарар, иэйиибитин истиҥник этинэр Ийэ тылбыт үйэлэргэ сүппэккэ үүнэ сайда турдун!

Добавить комментарий

error: МБУ \"Усть-Алданское управление культуры\"