Самаан сайын сатыылаабыт кэрэ-бэлиэ Сайылык күнүгэр “Олоҥхо Дьиэтэ” этнокультурнай киин Дүпсүн нэһилиэгин Остуойка учаастагар ыһыах ыһыар кэрэ-мааны сиригэр, уһун-унньуктаах кырыа кыһыммытын этэҥҥэ туораан, айгыр-силик айылҕабытыгар, дойдубут иччилэригэр, айбыт айыыларбытыгар сүгүрүйэн “Салама ыйааһынын”сиэрин-туомун ыыттыбыт.
Алгыс тылынан амалыйда Остуойка бөһүөлэгин олохтооҕо, СӨ культураҕа туйгуна, үлэ ветерана Ульяна Ильинична Босикова.
Остуойка учаастагын олохтоохторо, ыалдьыттара ыллыктаах, кэскиллээх, ыра баҕа санааларын санаан туран саламаны ыйаатылар, оһуохайга киирэн, өйдүүн-санаалыын, эттиин-сиинниин чэбдигирэн, минньигэс астаах сандалы остуол тула олорон күө-дьаа кэпсэтэн, оонньоон сэргэхсийдилэр.
Для отправки комментария необходимо войти на сайт.