МБУ "Усть-Алданское управление культуры" От ыйын 7 күнүгэр Саха сирин норуоттарын VIII — с спортивнай оонньууларыгар анаан ыытыллар култуурунай тэрээһиңңэ Арассыыйа бочуоттаах оҕо образцовай “Кэнчээри” ансаамбыла эҕэрдэ кэнсиэрин кэлбит ыалдьыттарга бэлэхтээтэ. Аан дойдуга саха оҕотун дэгиттэр талаанын аан бастакынан ааттаппыт “Кэнчээри” ансаамбыл тэриллибитэ быйыл номнуо 50 сылын туолла. Кэнсиэргэ ансаамбыл араас көлүөнэ выпускниктара кытыннылар. Ол курдук: Евдокия Васильева, Алина Борисова, Дьокуускай куораттан Анастасия Неустроева-Реброва уонна “Туймаада” государственнай ырыа ансаамбылын солистката Мария Местникова-Максимова.
Ансаамбыл концертнай бырагыраамматыгар ырыаһыттар аан дойду классикатыттан саҕалаан, нууччалыы сахалыы омуктуу ырыалары ыллаан дьиэрэттилэр, үңкүүһүттэр үңкүүлээн дайдылар. Кэлбит ыалдьыттар, көрөөччүлэр кэнсиэртэн үөрэн-көтөн, астынан тарҕастылар
Пресс-центр культурных мероприятий VIII Спортивных игр народов Республики Саха (Якутия)
