МБУ "Усть-Алданское управление культуры" Раиса Реасовна 85 сааһын туолар үөрүүлээх күнүнэн өр сылларга олорбут, үлэлээбит Уус Алданыттан дьоно сэргэтэ киирэн эҕэрдэлээтилэр💐🎉🎉🎉.
Уус Алдан улууһун культураҕа управлениетын начальнига Аммосов И. И истиҥ иһирэх тылынан эҕэрдэлээн, таһаарыылаах үлэтин сырдатан туран махтал суругун,өйдөбүнньүк бэлэҕин туттарда.
Суотту нэһилиэгин солбуйар баһылыга Ксенофонтов С. И , өр сылларга үлэлээбит Суотту орто оскуолатын профкомун председателэ Бубякина С. В., дьүөгэлэрин ааттарыттан Гоголева Е. Н .эҕэрдэ, махтал тылларын этэн Раиса Реасовна үөрүүтүн үрдэттилэр.
Раиса Реасовна үбүлүөйүнэн дьонун — сэргэтин хаартыскаларын, бэчээттэнэн тахсыбыт кинигэлэрин, наҕараадаларын көрдөрөн кэпсээн барыбытын үөртэ, долгутта.
Дьоһун киһибитигэр өссө төгүл үбүлүөйүн күнүнэн ис сүрэхтэн эҕэрдэлээн туран күн сирин үтүөтүн — кэрэтин баҕарабыт.
ЕН.Гоголева, Хоноҕордооҕу СК сэбиэдиссэйэ
Тохсунньу ый 12 күнэ 2022 с.
