«Аартыктарынан айан»

Өбүгэлэрбит үйэлэртэн илдьэ кэлбит төрүт үгэспитин, норуот уус-уран айымньытын  толорууну сайыннарар, тарҕатар, эйгэни тэрийэр, саҥа холонооччуларга сүбэ-ама биэрэр, утумнааччылар баар буолалларын ситиһэр сыаллаах соруктаах «Аартыктарынан айан» проегынан «Олоҥхо декадатын» чэрчитинэн улууспут норуотун маастардара, фольклор көрүҥнэрин специалистара бүгүн сэтинньи ый 24 күнүгэр Тулуна бөһүөлэгин олохтоохторугар бэйэлэрин сатабылларын тиэртилэр.

  • Маастар кылаастары хайысхаларынан ыыттылар: Уус-Алдан олоҥхоһуттарын толорор үгэстэригэр, Уус Алданныы оһуохай хаамыытыгар — Сивцева Мария Захаровна СӨ култууратын үтүөлээх үлэһитэ, Уус Алдан улууһун бочуоттаах олохтооҕо.
  • Арчы сиэрин-туомун туһунан – Данилова Елизавета Николаевна , “Олоҥхо дьиэтэ” этнокультурнай киин үлэһитэ;
  • «Күн Ньургун» олоҥхону толорон иһитиннэрдэ — Карпов Иван Иванович
  • Хомуска маастар кылаас ыытта – Находкин Альберт Алексеевич , Тандатааҕы В.Д.Лонгинов аатынан СК директора, “Хомус кырдала” бырайыак автора;
  • Дэгэрэҥ ырыаҕа — Никитин Андрей Гаврильевич , П.П. Оготоев аатынан Кэптэнитээҕи сынньалаҥ киин аккомпаниатора;
  • Оһуохайга, чабырҕахха — Никитина Ньургуйаана Владимировна , “Олоҥхо дьиэтэ” этнокультурнай киин үлэһитэ;
  • Кырадаһынтан кыбытан тигиигэ — Атласова Мария Семеновна , СӨ норуотун маастара, Уус Алдан улууһун бочуоттаах олохтооҕо,
  • Хаппар сумка тигиитигэр — Окоемов Иван Иннокентьевич , СӨ уус-уран оҥоһуктарын маастара.

Кыбытыы, хаппар суумка тигиитигэр 6 далбар хотун кыттыыны ыллылыар. Фольклор көрүҥнэригэр нэһилиэктэн 11 улахан киһи уонна алын, орто сүһүөх оскуола оҕолоро көхтөөх кыттыыны ыллылар. Уһуйааччылар көрүҥнэринэн ыйытыыларыгар сөптөөх хоруй ыланнар инники үлэлэригэр тирэхтээх санаанан улууспут Олоҥхо дьиэтин кытары биир сыаллаахтык үлэлэһэргэ сүбэлэстибит. Тулунатааҕы «Сайдыы» сынньалаҥ киин үлэһиттэригэр сылаас көрсүүгүт иһин махтанабыт.

Өбүгэ саҕаттан илдьэ кэлбит төрүт үгэспитин, уус-уран баайбытын – төрөөбүт тылбытын тэтимнээх сайдыыга сабырыйтарбакка, тэҥҥэ тутан, сүөгэйин – сүмэтин сүтэрбэккэ, өссө үрдүк таһымҥа таһаарар туһугар «Аартыктарынан айан» суола салгыы айанныы, саҥа саҕахтары арыйа турдун диэн баҕара хаалыаҕыҥ.

Ону таһынан улууспут реаблитационнай киинин үлэһиттэригэр, оҕолоругар «Тэрилтэнэн олоҥхолооһун» проегынан Олохҥо ис хоһоонун, фольклор көрүҥнэригэр, хомуска, өбүгэ оонньууларын туһунан сырдатыы, маастар кылаас ыытылынна. Сахалыы таҥастаах оҕолор сүрүҥнээн олоҥхо ис хоһоонун интэриэһиргээн иһиттилэр, сүрүннүүр георйдар ырыаларыгар, чуолкайдык саҥарар буолууну ситиһии эрчиллиилэригэр көхтөөх кыттыыны ыллылар. Өбүгэ оонньуутуттан таабырыннары олус сөбүлээн, көрдөөх таабырыннары таайсан сэргэхсийдилэр. Үлэһиттэр анаан сахалыы таннан, көхтөөхтүк кытыннылар, сүрүҥнээн хомус тардыытыгар маастар кылааһы интэриэһиргээтилэр. Бэйэлэрэ ыраастана сылдьалларыгар анал матыыптары үөрэттилэр.

error: МБУ \"Усть-Алданское управление культуры\"